A NOSA LINGUA: O GALEGO
O galego é o idioma propio de Galicia, creado pola
comunidade de falantes ao longo dos séculos, froito da mestura do latín
dos romanos coas linguas autóctonas que xa falaban os celtas e íberos que
habitaban esta terra.
Durante moitos séculos o galego e o portugués foron a
mesma lingua.
O galego fálase en Galicia, pero non só aquí. Tamén é
unha lingua falada noutras zonas de España, Europa e América, é dicir, alí onde
os galegos emigraron e formaron comunidades.
Como curiosidade, en tres municipios de Cáceres
(Estremadura) fálase, xunto co castelán, unha variedade de “galego-portugués”
ao que lle chaman “a fala”.
Cada zona de Galicia ten unha forma característica de
falar galego. A entoación, a gheada, o seseo, a forma de facer os plurais ou de
pronunciar o “n”, por exemplo, diferencian o galego dunhas zonas e doutras.
O galego, o castelán, o catalán, o valenciano, o francés,
o portugués, o italiano, o romanés, etc. son linguas irmás, pois todas elas
derivan do latín. Coñecer unhas axúdanos moito a coñecer outras porque se
parecen (as palabras teñen raíces comúns).
NOMES DE
LUGARES, PERSOAS E APELIDOS
Nomes coma Iria, Antía, Roi, Xián, Sabela, Brais...; topónimos
como O Seixo, ou apelidos como Souto,
Pena, Castro, Couceiro, etc.
ARQUITECTURA
- Mámoas (dolmens): monumentos funerarios prehistóricos.
- Castro: Poboado celta composto de varias vivendas de base circular en zonas altas fortificadas (amuralladas).
- Hórreos, canastros ou cabazos: Graneiros para almacenar alimentos (agrícolas ou pesqueiros).
- Pazo: Casa señorial de campo.
MANIFESTACIÓNS ARTÍSTICAS
- Petróglifos: debuxos prehistóricos gravados en pedra.
- Danzas (a muiñeira, a xota galega, bailes de Entroido, bailes dos Maios...).
- Traxes rexionais.
- Cantigas propias (panxoliñas de Nadal, coplas, etc.)
- Instrumentos (gaita, pandeiro, pandeireta, cunchas de vieira...).
- Forma característica de canto (cantareiras, aturuxo...).
- Refráns e ditos.
- Encaixe de bolillos ou palillos (palilleiras).
MANIFESTACIÓNS RELIXIOSAS
- Romarías (viaxes a pé, en carro, a cabalo... cara a unha ermida e posterior reunión para comer, bailar, conversar...)
- Peregrinacións a santuarios (San Andrés de Teixido, Camiño de Santiago...).
GASTRONOMÍA
Receitas
propias coma o polbo á feira ou á mugardesa, cocido galego (lacón con grelos),
caldo, filloas, orellas, empanadas, callos con garavanzos, pementos de Padrón,
roxóns, tarta de Santiago, etc.
TRADICIÓNS
- Xogos populares (buxaina, birlos...).
- A rapa das bestas, a festa da malla.
- Samaín / Magosto.
- Entroidos propios de cada zona (peliqueiros de Laza, cigarróns de Verín, pantallas de Xinzo de Limia, xenerais e correos do Ulla, boteiros de Viana do Bolo, volantes de Chantada, madamas e galáns de Cobres, o oso de Salcedo, os felos de Maceda, o xuízo do Meco, o enterro da sardiña, etc.)
- Alfombras florais
- Maios
- Fogueiras de San Xoán.
MITOS, CONTOS E LENDAS
- Meigas
- Apalpador
- Trasnos
- Mouros e mouras
- A Santa Compaña
- Lobishome
- Alicornio
- Biosbardos
- Ninfas mariñas coma A Maruxaina.
No hay comentarios:
Publicar un comentario