Os mandalas teñen a súa
orixe na India. A palabra significa “círculo perfecto”.
Visualmente consisten nun
conxunto de figuras xeométricas concéntricas organizadas en diversos niveis. As
formas básicas máis utilizadas son: círculo, triángulo, cadrado e rectángulo.
Realizamos esta actividade o primeiro día de Plástica. Cada
alumno escolleu as cores en función dos seus gustos persoais. Como material
plástico empregamos rotuladores de punta fina. Á hora de pintar seguimos sempre
a mesma dirección (de dentro cara a fóra ou o de fóra cara a dentro).
Como beneficios desta técnica
podemos destacar os seguintes:
- Potencia a capacidade de atención e concentración.
- Estimula a creatividade e a imaxinación.
- Favorece a psicomotricidade fina.
- Posibilita o afianzamento de novo vocabulario relativo ás cores, ás formas, aos tamaños...
- Permite traballar conceptos xeométricos: círculo, triángulo, cadrado, rombo...
- Desenvolve a paciencia, a constancia e a perseveranza.
- Estimula o sentido estético.
- Ten un efecto calmante e relaxante, sobre todo se se acompaña de música tranquila de fondo.
Aquí podemos ver algunhas fotos do proceso e mailo resultado:
No hay comentarios:
Publicar un comentario